Kenia: Vredespraatjies ná slagting

2012-08-23 23:02

Nairobi – Keniaanse polisie sê hulle is besig om twee opposisie-gemeenskappe bymekaar te bring vir ‘n vredesvergadering ná ten minste 52 mense doodgeslaan of -gebrand is tydens gevegte.

“Ons wil hierdie gemeenskappe saambring,” het Joseph Kitur, streekspolisiehoof, gesê ná die Pokomo- en Orma-gemeenskappe mekaar Dinsdag in die Tana-rivierstreek aangeval het.

Onder die 52 wat dood is, tel 31 vrouens en 11 kinders. Die meerderheid mense is met pangas doodgekap terwyl die ander doodgebrand het.

Dit is nie duidelik oorsaak van die aanval is nie, maar die twee gemeenskappe het al voorheen met mekaar vasgesit oor water en grondhulpbronne.

Die polisie is steeds opsoek na die Pokomo-lede wat verantwoordelik is vir die aanvalle.

“Die meeste van hulle het uit hul huise gevlug ná die aanvalle, maar ons is besig om hulle in te haal,” het Kitur gesê.

– Volg Nuus24 op Twitter 

- AFP