Kenia, Somalië bal vuiste vir mekaar
2011-10-17 08:31
Nairobi – Keniaanse troepe het Sondag die grens na Somalië oorgesteek om Islamitiese Shebab-rebelle, wat van die ontvoering van buitelanders beskuldig word, aan te val.
“Ons is oor die grens en op soek na die Shebab. Hulle is verantwoordelik vir die ontvoerings en aanvalle in ons land,” het Alfred Matua, ‘n regeringswoordvoerder, aan AFP gesê.
Die rebelle-groep, wat met Al-Kaïda verbind word, het Keniaanse owerhede gewaarsku.
“Kenia het die grensregte van Somalië ignoreer en ons land binnegekom, maar ek belowe hulle sal teleurgesteld na hulle land terugkeur,” het Sheikh Hassan Turki, ‘n senior Shebab-leier, gesê.
“Mujahideen-vegters sal hulle dwing om die pyn van koeëls te voel.”
Die aanval kom ‘n dag nadat George Saitoti, Kenia se minister van binnelandse veiligheid, Shebab-vegters as “die vyand” bestempel het en belowe het om hulle aan te val “waar hulle ook al is.”
In ‘n maand se tyd is ‘n Britse vrou en ‘n Franse vrou in twee verskillende voorvalle in Kenia ontvoer.
– Volg Nuus24 op Twitter.
- Sapa - AFP