Kenia: Sewe mense sterf toe boot sink

2012-01-02 23:02

Nairobi – Minstens sewe mense is dood toe 'n oorlaaide veerboot tussen die Keniaanse kus en die eiland Lamu omgeslaan het, het RSG berig.

Altesaam 25 mense is gered en 23 kon self na veiligheid swem, het die Rooikruis in Kenia gesê.

Daar was 82 mense op die boot toe dit gesink het.

Reddingspanne soek tans na die vermiste passassiers.

– Volg Nuus24 op Twitter.

– RSG