Kenia: Meer as 100 dood in pyplyn-ontploffing
2011-09-12 14:33
Nairobi – Meer as ‘n 100 mense het doodgebrand nadat ‘n pyplyn, wat brandstof vervoer het, naby ‘n digbewoonde krotbuurt in Nairobi ontplof en 'n brand veroorsaak het, het plaaslike media Maandag berig.
Plaaslike televisiekanale het beeldmateriaal uitgesaai van lyke wat brand terwyl die vuur deur die woonbuurt gewoed het.
Erg verbrande inwoners het rondgeloop met die vel van hulle gesigte en arms wat afgebrand was, het Reuters berig.
‘n AP-korrespondent het gesê lyke het sowat 300 m rondom die area waar die ontploffing plaasgevind het, gelê. Daar was selfs lyke in ‘n nabygeleë rivier waarin rioolwater afgespoel het.
Volgens inwoners was huise tot teen die pyplyn gebou.
Die Kenyatta Nasionale Hospitaal het gesê daar is reeds sowat 112 slagoffers by die hospitaal wat dringend bloedoortappings benodig.
– Volg Nuus24 op Twitter.
- Reuters