Kenia: 32 dood in botsings oor grond

2012-09-10 14:15

Mombasa, Kenia – Aanvallers het Maandag 32 dorpenaars vermoor en meer as 150 huise in Kenia se kusstreek afgebrand, het die Rooikruis gesê.

Dit is die jongste aanvalle in 'n dispuut tussen gemeenskappe oor grond en water.

Minstens 100 mense is die afgelope drie weke vermoor nadat geweld tussen die Pokomo en Orma-gemeenskappe toegeneem het.

"Daar was 'n nuwe aanval in die Tana Delta vanoggend. Ons het sover vasgestel dat 32 mense dood is," het Abbas Gullet, hoof van die Keniaanse RooiKruis, aan Reuters gesê.

Die Rooikruis het gesê sewe polisiebeamptes, 12 manlike burgerlikes, agt kinders en vyf vroue is onder die slagoffers.

– Volg Nuus24 op Twitter.

- Reuters