Kenia: 18 dood tydens veedief-aanval
2011-05-04 15:27
Nairobi – Ethiopiese veediewe het Dinsdag ten minste 18 mense in Kenia geskiet en doodgekap, het polisie gesê.
“Agtien mense is dood in die Todonyang-omgewing,” het ‘n senior polisiebeampte gesê.
“Die vissermanne en veeherders is naby die Turkana-meer aangeval in die noorde van Kenia, deur veediewe en burgermagte van die Merile-stam aan die Ethiopiese kant van die grens.”
“Van ons beamptes probeer met twee mense wat die aanval oorleef het in kontak kom om te probeer uitvind presies wat gebeur het,” het die polisieman gesê. “Die verslae wat ons het, dui aan dat van die mense doodgeskiet is en van hulle met skerp voorwerpe doodgekap is.
Gerugte het die ronde gedoen dat ten minste 35 mense in die aanval dood is, maar die polisie kon dit nog nie so bevestig nie.
- Volg Nuus24 op Twitter.
- Sapa - AFP