Kameroen neem 126 in hegtenis tydens betoging

2011-10-03 17:00

Yaoundé – Altesaam 126 betogers is in hegtenis geneem nadat hulle ‘n optog gehou het om die Engelssprekende Kameroen se onafhanklikheid te eis.

‘n Polisiebeampte het gesê die betogers is Saterdag en Sondag in hegtenis geneem omdat hulle ontwrigting in die openbaar veroorsaak het. Dié inhegtenisnames volg nadat 50 aktiviste van die Suidelike Kameroen se Nasionale Raad wat ook Saterdag betoog het, in hegtenis geneem is.

Saterdag was die 50ste herdenking van die Britse Kameroen se samesmelting met die voormalige Franse Kameroen.

Verlede week het gewapende mans ‘n brug afgesper en op die polisie geskiet in opstand teen pres. Paul Biya se regering.

Kameroen het op 9 Oktober ‘n verkiesing.

– Volg Nuus24 op Twitter.
 

- Sapa - AP