Kameroen: 500 sterf weens cholera

2011-08-22 09:25

Maroua – Sowat 500 Kameroeners is sedert die begin van Augustus weens cholera dood en 13 000 gevalle is sedert die begin van die jaar aangemeld, het gesondheidsbeamptes in dié land Maandag gesê.

Meer as 50 van Augustus se gevalle was in die noordelike deel van Kameroen wat sover die swaarste deur die epidemie getref is, het CNN berig.

Inwoners van die Logone- en Chari-omgewings het aan CNN gesê dat die meerderheid mense wat deur dié siekte besmet word kinders jonger as vyf en vroue is.

Nege van die land se tien streke word deur die siekte geraak, het prof. Gervais Ondobo Andze, die direkteur van die beheer van siektes by die departement van openbare gesondheid, gesê.

– Volg Nuus24 op Twitter.

– Kliek hier vir die volledige berig op CNN.