Kalmte heers in Nigerië ná aanvalle
2010-03-09 12:36
Nigerië – Nigeriese magte het Dinsdag die strate van dorpe naby die stad van Jos gepatrolleer nadat meer as 500 Christene in 'n bloedbad vermoor is.
Volgens oorlewendes van die aanvalle het owerhede nie betyds ingetree nie, en dit was meestal vroue en kinders wat in die aanvalle gesterf het.
Familielede van slagoffers het Maandag begrafnisdienste bygewoon, ná ‘n drie uurlange orgie van geweld, Sondag, in drie Christen-dorpe naby die stad van Jos.
Ooggetuies het die massamoord op die Fulani etniese groep geblammeer.
Volgens mediaberigte was Moslem-inwoners deur SMS-boodskappe, twee dae voor die aanval gewaarsku.
Vyf-en-negentig verdagtes is reeds deur sekuriteitsmagte aangekeer.
"Die slagoffers was aangeval met byle en dolke. Baie van hulle was kinders, bejaardes en swanger vroue,” het Gregory Yenlong, komisaris van staatsinlingting gesê.
Ongeveer 200 mense word steeds in die hospitaal behandel.
Bewerings doen egter die ronde dat dit die weermag twee ure geneem het om te reageer nadat hulle die oproep ontvang het.
Goodluck Jonathan, waarnemende president het reeds sy hoof sekuriteitsadviseur in die pad gesteek.
- Sapa-AFP