Kaïro: Soldate sak toe op betogers
2011-12-19 21:25
Kaïro – Honderde Egiptiese soldate met onluste-toerusting het op betogers, wat 'n onmiddellike einde aan die militêre regering eis, in Tahrir-plein in Kaïro toegesak.
Die ministerie van gesondheid het gesê minstens drie mense is dood, wat die dodetal weens onluste die afgelope vier dae op 14 te staan bring.
Geweld woed sedert Vrydag, toe veiligheidsmagte wat die kabinetsgebou naby die Tahrir-plein bewaak toegeslaan het op betogers wat 'n drie weeklange sitstaking in die plein in Kaïro gehou het.
Hulle eis dat Egipte se regerende generaals dadelik die mag aan 'n burgerlike owerheid oorgee.
– RSG.
– Volg Nuus24 op Twitter.