Joernaliste uit Nigeriese lughawe verban
2012-02-08 15:54
Lagos – Amptenare het ‘n mediasentrum in Nigerië se besigste lughawe gesluit, het ‘n internasionale waghond gesê.
Die Committee to Protect Journalists het Dinsdag in ‘n verklaring gesê dat amptenare by die Murtala Muhammed Internasionale Lughawe in Lagos toerusting wat aan meer as 60 joernaliste behoort tydens Saterdag se sluiting teruggehou het.
‘n Woordvoerder vir Nigerië se lughawe-owerheid sê amptenare van die staat se sekuriteitsdiens en die ministerie van buitelandse sake het die joernaliste uitgesluit sonder om redes te verskaf.
Chris Agabi, ‘n lugvaart-woordvoerder, het aan die groep gesê dat “nie eers militêre-regimes sluit” die sentrum wat al vir meer as 30 jaar bestaan nie.
Nigerië het in 1999 uit ‘n lang tydperk van militêre beheer gekom en het ‘n ongebreidelde vry media, maar joernaliste word soms geteister.
– Volg Nuus24 op Twitter
- AP