Ivoorkus: VN vergader om situasie te bespreek
2010-12-20 13:42
Abidjan - Die Verenigde Nasies se Veiligheidsraad sal Maandag vergader om die huidige situasie in die Ivoorkus te bespreek.
Die VN sal onder meer moet besluit of hy sy sending in dié oorlog-geteisterde land wil hervat.
Die vergadering vind plaas terwyl die land se selfverklaarde leier Laurent Gbagbo steeds weier om sy amp te verlaat, ten spyte daarvan dat hy die onlangse presidentsverkiesing verloor het.
Hy het die VN en Frankryk sedertdien ook beveel om hul vredesmagte uit die land te onttrek, omdat hulle volgens hom daarop uit is om die land te destabiliseer.
VN troepe gaan intussen voort om die amptelike wenner van die verkiesing, Allasane Ouattara te beskerm.
- Kliek hier om die volledige storie te lees.
- Volg Nuus24 op Twitter.