Ivoorkus: Regering sê VN moet padgee
2010-12-18 22:40
Abidjan - President Laurent Gbagbo het Saterdag in 'n verklaring op staatstelevisie, die Verenigde Nasies (VN) en Franse troepe beveel om die Ivoorkus dadelik te verlaat.
"Die president van die Ivoorkus dring aan dat die Verenigde Nasies en Franse troepe die land verlaat," het die minister van onderwys Jacqueline Lohoues-Oble gesê.
Gbagbo beskuldig die VN daarvan dat hulle hul inmeng met die interne sake van die Ivoorkus.
Verskeie wêreldleiers, onder wie pres. Barack Obama van die VSA, hou vol met beroepe op Gbagbo om nie net sy pos te verlaat nie, maar om die land te verlaat of anders deur sanksies in die gesig gestaar te word.
Gbagbo weier sedert 4 Desember om sy pos te verlaat nadat hy die pas afgelope verkiesing in die Ivoorkus verloor het. Volgens dié land se verkiesingskommissie het Alassane Ouattara die verkiesing gewen.
Lees verder.
- Al Jazeera