Israel erken Suid-Soedan, gee ekonomiese hulp
2011-07-11 15:46
Jerusalem – Israel het erkenning aan Suid-Soedan gegee deur ekonomiese hulp aan te bied nadat dié land Saterdag onafhanklikheid van die Moslem-beheerde Noorde verkry het.
Die noorde van Soedan het voorheen geen bande met Israel, ‘n hoofsaaklik Joodse land, gehad nie.
“Ek kondig hier aan dat Israel vir Suid-Soedan erken as ‘n land,” het Benjamin Netanyahu, die premier, aan sy kabinet gesê.
“Ons wens die land alle sukses toe. Dit is ‘n vreedsame land en ons sal graag met hom saamwerk om sy ontwikkeling en welvaart te verseker.”
Suid-Soedan, waar die meeste mense Christelike of tradisionele Afrika-gelowe volg, het Saterdag onafhanklik geraak.
– Volg Nuus24 op Twitter.
- Reuters