Islamitiese geweld breek uit in Somalië
2010-01-11 13:17
Mogadisjoe – Islamitiese burgermagte veg sedert Sondag vir beheer oor 'n strategiese dorp, Belet Weyne, in die weste van Somalië.
Volgens ooggetuies het 'n gematigde Islamitiese groep wat met die regering saamwerk, Ahlu Sunna Waljama, Sondag 'n aanval op sy opposisie, Hisbul Islam, in dié dorp geloods.
Belet Weyne is op die land se grens met Etiopië geleë, en is ook langs 'n belangrike pad wat na die Somaliese hoofstad, Mogadisjoe, lei.
Die konflik tussen Ahlu Sunna Waljama en Hizbul Islam het Maandag voortgeduur.
Alhoewel die dodetal nog nie bekend is nie, het die konflik volgens ooggetuies reeds lewens geëis.
'n Inwoner van Belet Weyne, Omar Adam, sê hy het agt lyke, meestal burgerlikes, in die strate sien lê.
Nog 'n inwoner, Ibrahim Qayle, het in 'n onafhanklike onderhoud gesê hy het ses lyke van Islamitiese soldate gesien.
Somalië het vir die afgelope 19 jaar geen effektiewe regering nie.
–Sapa-AP