Inwoners steeds skrikkerig
2010-03-11 01:33
Jos – Outomatiese vuurwapens het Dinsdagaand net na donker afgegaan, gevolg deur gille in ‘n Nigeriese stad, baie naby aan die dorpe waar massamoorde slegs twee dae gelede plaasgevind het.
Almal se senuwees is steeds gedaan, toe skote glo van outomatiese vuurwapens vir ongeveer drie minute afgegaan het. Mense het al gillend in die strate afgehardloop.
Meer as 100 mense, meestal vroue en kinders het skuiling in ‘n hotel gaan soek waar joernaliste en militêre kommandeurs oornag het.
Volgens ‘n polisiebeampte in Jos het die skietvoorval gebeur nadat mense in ‘n straat bymekaargekom het omdat ‘n verdagte vragmotor in die buurt geparkeer was.
Die beampte, wat anoniem wil bly, het gesê dat soldate het toe skote afgevuur om die groep mense te verwilder.
Vroeër Dinsdag het die Amerikaanse regering en menseregte aktiviste ‘n beroep op Nigerië gedoen om ondersoek na die voorvalle in te stel en die skuldiges vas te trek wat vir Sondag se moorde verantwoordelik is.
Goodluck Jonathan, waarnemende president het belowe dat die gevegte tot ‘n einde sal kom, nadat meer as 300 mense, meestal Moslems, in Januarie dood is. Sommige mense het gesê dat Sondag se aanvalle uit wraak was vir dit wat in Januarie gebeur het. Terwyl ander die Fulani-etniese groep vir die massamoord blameer
Intussen Jonathan sy nasionale sekuriteitsadviseur geskors ná die naweek se geweld.
“Ná Januarie se moorde, moes die dorpe beter beveilig geword het. Dit is duidelik dat maatreëls wat voorheen toegepas was om inwoners te beskerm, nie voldoende was nie,” het Navi Pillay, die VN se hoë kommissaris vir menseregte gesê.
Meer as 1000 mense is weens onluste in September 2001 dood, terwyl 700 mense in 2004 gesterf het in gevegte tussen Moslem en Christen-groepe. Meer as 300 inwoners het in 2008 in soortgelyke voorvalle gesterf.
- AP