Internet-‘liefde’ loop skeef
2009-11-24 20:31
Abuja - ‘n Nigeriese vrou wat oor die internet verlief geraak het, is uit R374 000 gekul deur ‘n man wat haar oortuig het hy is dié man vir haar.
Lawas Adewale Nurudeen is tot 19 jaar tronkstraf gevonnis en is beveel om die vrou ten volle terug te betaal.
Die man het hom blykbaar as ‘n Brit voorgedoen wat in Nigerië vir ‘n multi-nasionale onderneming werk.
Hy het aan die 56-jarige vrou gesê sy vrou en kinders is in ‘n motorongeluk oorlede.
‘n Paar weke na hul ontmoeting oor die internet, het hy by haar aangeklop en voorgegee hy is ‘n dokter wat geld soek vir haar ‘verloofde’ wat skynbaar in ‘n ongeluk betrokke was.
- Sapa