ISH het ‘informele kontak’ met Gaddafi-seun
2011-10-28 23:06
Den Haag – Die internasionale strafhof het “informele kontak” met Saif al-Islam, die voortvlugtende seun van Muammar Gaddafi, het die hof se hoofaanklaer Vrydag gesê.
“Deur tussengangers het ons informele kontak met Saif,” het Luis Moreno-Ocampo in ‘n verklaring gesê.
Saif was grootliks as Gaddafi se opvolger beskou voordat sy pa vroeër die maand in Sirte, sy tuisstad, gevange geneem en gedood is.
Saif is laaste naby Libië se grens met Niger gesien waar hy glo beplan het om met ‘n valse paspoort na dié land te vlug.
– Volg Nuus24 op Twitter.
- Sapa - AFP