IMF herstel dalk Zim se stemregte
2010-02-19 12:12
Washington – Die internasionale monetêre fonds (IMF) gaan dalk teen Vrydag Zimbabwe se stemregte herstel – amper sewe jaar ná hulle weens agterstallige betalings geskors is.
Die uitvoerende raad sal Vrydag ‘n versoek bespreek om die stemregte te restoureer en dus ook die geskiktheid om algemene hulpbronne te gebruik.
Zimbabwe se ekonomie is heeltemal verwoes onder die administrasie van president Robert Mugabe.
Dié land is gevolglik in 2006 amper uit die IMF gegooi nadat Zimbabwe nie hul finansiële verpligtinge nagekom het nie.
Zimbabwe se agterstallige betalings het aan die einde van 2009 op $140 miljoen (meer as R1 biljoen) gestaan.
Dié bedrag moet eers terugbetaal word voor ‘n IMF-lening aan die land kan gaan.
- Sapa-AFP