Hernieude lugaanvalle op Tripoli uitgevoer

2011-04-23 10:06

Tripoli – Navo-magte het hernieude lugaanvalle op die Libiese hoofstad Tripoli uitgevoer. Talle ontploffings is gehoor nadat die vegvliegtuie oor die hoofstad gevlieg het. In die weste van die stad was daar minstens drie ontploffings omstreeks 20:00 Vrydagaand Suid-Afrikaanse tyd gevolg deur nóg ontploffings.

Geen ongevalle is aangemeld nie.

'n Internasionale koalisie het op 19 Maart met lugaanvalle teen die magte van kolonel Muammar Ghadaffi begin as deel van die VN mandaat om burgers te beskerm.

Die Noord Atlantiese Verdragsoranisasie het op 31 Maart beheer oor die operasie oorgeneem. 

– RSG

Volg Nuus24 op Twitter