Help Zim-soldate vir Libië? – MDC-T
2011-02-24 19:45
Harare - Zimbabwe se minister van verdediging is glo Woensdag in parlement gevra of die gerugte dat lede van Zimbabwe se nasionale weermag (ZNA) deel is van die groep huursoldate wat die opstand in Libië onderdruk en Muammar Gaddafi beskerm, het News Day berig.
Daar word gesê dat Zimbabwiese soldate op ongewapende Libiese burgers wat teen Gaddafi se 42-jarige regering betoog, geskiet het. Emmerson Mnangagwa, die minister, is deur die Movement for Democratic Change (MDCT) se hoofsweep, Innocent Gonese, daaroor uitgevra.
Mnangagwa het nie gehuiwer om te antwoord nie, maar het glo nie ‘n duidelike antwoord gegee nie.
“Daar is huursoldate wat Afrikane is en wat in Libië is – daar is geen reël wat sê dat ek as minister van verdediging aktiwiteite in ‘n ander Afrika-land moet ondersoek nie,” het hy gesê.
“Die vraag mag aan die minister van buitelandse sake gerig word wat dan deur buitelandse verhoudings kan uitvind of enige Afrika-lande betrokke by Libië is.”
-Kliek hier vir die volledige artikel.
-Volg Nuus24 op Twitter.