Helikopters gebruik om Libië aan te val
2011-06-04 15:25
Benghazi – Aanvalshelikopters het Muammar Gaddafi se magte Saterdag aangeval, met die Navo-beheerde oorlog wat ‘n nuwe fase ingegaan het.
“Franse aanvalshelikopters en Britse Apache-helikopters is op Navo se bevel is vir die eerste keer gebruik,” het die militêre alliansie in ‘n verklaring gesê.
Die helikopters het ‘n radar-pos en kontrolepunt naby die kusstad Brega tydens die aanvalle vernietig, het Brittanje se nuusagentskap PA gesê.
Die aanvalle is geloods as deel van die lug-veldtog om Libiese burgers te beskerm teen Gaddafi se magte. Dit is in lyn met ‘n VN-resolusie wat militêre troepe op die grond verban.
Volg Nuus24 op Twitter
- AFP