Handel in Zimbabwiese diamante verbied
2010-08-16 18:27
Kaapstad - 'n Amerikaanse diamant-handelsgroep het die handel in Zimbabwiese diamante verbied, selfs al word dit deur die Kimberley Proses goedgekeur, het RSG berig.
Die Kimberley Proses poog om die handel in sogenaamde bloeddiamante wêreldwyd stop te sit.
Die "Rapaport Diamond Trading Network", wat juweliersware aan handelaars in 70 lande verskaf, sê die Kimberley Proses kan nie waarborg dat menseregte gerespekteer word tydens die ontginning van die edelstene in Zimbabwe nie.
Verlede week het Zimbabwe weer met die verkoop van diamante begin, nadat hy sedert November verbied is.
- Volg Nuus24 op Twitter.