Guinee-president se huis deur vuurpyl getref
2011-07-19 18:27
Conakry – Die tuiste van Guinee se nuwe president is deur ‘n vuurpyl getref terwyl Conakry, die hoofstad, Maandagaand onder erge aanvalle deurgeloop het, het beamptes gesê.
Francois Fall, ‘n beampte in die president se kantoor, het gesê dat pres. Alpha Conde nie in die voorval beseer is nie.
“Hy is veilig en gesond,” het Fall gesê.
Ooggetuies het gesê dat swaar skietgevegte rondom Conde se tuiste losgebars het. Dit was sowat 03:00 en het vir meer as twee ure geduur.
Polisie is glo besig om die voorval te ondersoek.
– Volg Nuus24 op Twitter.
- Sapa - AFP