Groot ontploffings ruk Gaddafi-woning

2011-06-27 16:00

Tripoli – Twee harde ontploffings het die gebied naby 'n woning van Muammar Gaddafi in die Libiese hoofstad Tripoli geruk.

Rook het in die lug opgeborrel in die omgewing van Gaddafi se Bab al-Aziziya-woning, waar Libiërs daagliks betogings ter ondersteuning van die regering hou.

Gaddafi bly glo nie op die oomblik in dié woning nie.

Vliegtuie van Navo het kort ná die ontploffing oor die omgewing gevlieg.

Dis nog nie bekend wat presies getref is en of daar enige sterftes was nie.

– Volg Nuus24 op Twitter
 

- Sapa - AP