Griekse olietenkskip vermis

2012-10-08 15:31

Athene – ‘n Griekse skeepsmaatskappy sê hy het kontak met een van sy olietenkskepe aan die kus van Wes-Afrika verloor.

Grace Management SA sê die skip het sowat 35 000 ton olie vervoer en was op pad na Abidjan in die Ivoorkus. Die skip het twee Grieke en 22 Filippyne aan boord.

Die bestuurders het Maandag gesê hulle het Saterdag kontak met die skip verloor.

Die aantal aanvalle deur seerowers aan die kus van Wes-Afrika het die afgelope ruk drasties toegeneem. Die skepe en die bemanningslede word gewoonlik vrygelaat nadat die seerowers die vrag gesteel het.

– Volg Nuus24 op Twitter
 

- Sapa - AP