Goodluck Jonathan dank polisiehoof af

2012-01-26 16:31

Abuja – Goodluck Jonathan, die Nigeriese president, het die hoof van die land se polisie en sy ses adjunkte afgedank nadat die hoofverdagte in 'n Kersdag bomaanval uit aanhouding ontsnap het, het RSG berig.

Jonathan is skerp gekritiseer omdat hy nie 'n einde kan bring aan die geweld wat daagliks deur die Islamistiese sekte Boko Haram gepleeg word nie. Sy teenstanders het gevra dat die veiligheidsmagte vasgevat word.

Verlede jaar is 500 mense tydens aanvalle deur Boko Haram dood en in die eerste week van 2012 is meer as 250 mense reeds dood.

Jonathan het gesê lede van die sekte het die veiligheidsmagte binnegedring.

– Volg Nuus24 op Twitter.

– RSG