Geweld ruk Senegal oor Wade se kandidaatskap

2012-01-28 14:39

Dakar – Optogte het in Senegal begin nadat die hooggeregshof beslis het pres. Abdoulaye Wade kan op 26 Februarie vir 'n derde termyn staan.

Nadat Wade in 2000 tot president verkies is, is daar 'n beperking geplaas op die aantal termyne wat 'n president mag dien.

Hy het vroeër vandeesweek gesê die wet is nie terugwerkend nie en dat hy tot president verkies is toe daar geen beperkinge op die aantal termyne geplaas was nie.

Betogers het versperrings en geboue in die hoofstad aan die brand gesteek en slaags geraak met die polisie. Opstande is ook in ander stede in die Wes-Afrikaland aangemeld.
Die 85-jarige Wade het vroeër onderneem om vanjaar uit te tree.

Die konstitusionele hof het sy kandidaatskap op 'n tegniese punt toegelaat.

– Volg Nuus24 op Twitter

- SAPA