Gevangenes ontstoke ná 'moordenaar' vry loop
2012-07-09 11:40
Zomba, Malawi – Betogings deur gevangenes in Malawi het die vrylating van oortreders wat presidensiële kwytskelding ontvang het, vertraag, het amptenare gesê.
Gevangenes by die Zomba- sentrale tronk net buite Blantyre het Sondag die vrylating van 34 van die 377 gevangenes wat by pres. Joyce Banda kwytskelding ontvang het om die land se 48ste jaar van onafhanklikheid te vier, vertraag.
Gevangenes het aan verslaggewers buite die tronk gesê dat een van die gevangenes wat kwytskelding ontvang het, 'n verkragter was, en dat een van die ander wat vrygelaat is, 'n moordenaar was.
Gevangenes wat aan ernstige misdade skuldig bevind is, kom gewoonlik nie vir kwytskelding in aanmerking nie. Banda se woordvoerder, Steve Nhlane, het Sondag gesê die president was nie bewus van enige ernstige oortreders op haar kwytskeldingslys nie.
Die polisie het ingegryp, en die 34 gevangenes is ook later vrygelaat.
– Volg Nuus24 op Twitter.
- AP
