Geen verrassings in Kameroense verkiesing
2011-10-10 08:48
Yaounde – Paul Biya, president van Kameroen, gaan na alle waarskynlikheid sy presidentskap van 29 jaar kan voorsit ná die afgelope verkiesing.
Behalwe vir die dood van twee veiligheidsbeamptes in die onstabiele Bakassi-omgewing, was die verkiesing vreedsaam, het die departement van binnelandse sake gesê.
Opposisiepartye het die proses egter as 'n "gemors" beskryf.
Biya het teen 22 ander kandidate meegeding.
Volgens ‘n opsigter by een van die stemlokale was die Kameroeners “nie geïnteresseerd in die verkiesing nie omdat hulle die indruk gekry het dat die ander kandidate nie hul man kan staan teen Biya nie.”
In dorpe soos Douala en Yaounde het AFP-korrespondente nie eers rye buite stemlokale gesien nie.
– Volg Nuus24 op Twitter.
- Sapa - AFP