Geen betogings in Uganda
2011-04-11 12:49
Kampala - Ugandese polisie het Maandag die opposisieleier, Kizza Besigye, in hegtenis geneem nadat hy probeer het om ‘n betoging in Kampala te begin, het Judith Nabakooba, ‘n polisiewoordvoerder, gesê.
“Hy is gearresteer nadat hy ‘n straat wat na Kampala lei, probeer blokkeer het,” het sy gesê. “Polisie het probeer om hom te verwyder maar hy wou nie saamwerk nie.”
“Traangas is gebruik om van die rumoerige skare, wat klippe begin gooi het, ontslae te raak,” het sy gesê.
Besigye, wat president Yoweri Museveni se grootste teenstaander was tydens die 18 Februarie-verkiesing, het gesê dat mense aan die “stap-werk-toe”-betoging moet deelneem in protes teen stygende brandstofpryse.
Dié land se polisie het betogings verbied en het verlede week gesê dat enige poging om protesaksies te reël ernstige gevolge gaan hê.
- Volg Nuus24 op Twitter.
- Sapa - AFP