Gbagbo se party dalk deel van Ivoorkus-verkiesing
2011-11-01 14:16
Abidjan – Alassane Ouattara, die Ivoriaanse president, het Maandag gesê hy wil hê dat Laurent Gbagbo, die ontsetelde president, se party aan die verkiesing op 11 Desember moet deelneem.
Ouattara, wat die verkiesing in November 2010 gewen het, was in ‘n stryd met Gbagbo betrokke omdat hy geweier het om sy nederlaag te aanvaar.
Gbagbo, Ouattara en Henry Konan Bedie, ‘n vorige president, het ure voor die spertyd vir registrasies vergader.
“Ons het ooreengestem dat dit ‘n goeie ding sal wees vir die FPI-party om aan die verkiesing deel te neem omdat dit ‘n demokrasie is. Dit sal ‘n goeie ding wees om ‘n parlement te hê waar groot partye verteenwoordig word,” het hy gesê.
Gbagbo is in April in hegtenis geneem na vier maande se dodelike konflik toe hy geweier het om die tuig neer te lê. Bykans 3 000 mense is tydens dié krisis dood.
– Volg Nuus24 op Twitter.
- Sapa - AFP