Gbagbo hof toe oor 'ekonomiese misdade'
2011-08-19 12:18
Abidjan – Laurent Gbagbo, voormalige president van die Ivoorkus, en sy vrou, Simone, is van “ekonomiese misdade” aangekla, het die staatsaanklaer Donderdag bekend gemaak.
Gbagbo (66) is van “ekonomiese misdade, insluitend diefstal, aanvalle op die nasionale ekonomie en verduistering van openbare fondse" aangekla, het Simplice Kouadio Koffi, die aanklaer, gesê.
Soortgelyke aanklagte is teen Simone Gbagbo aanhangig gemaak.
Gbagbo en sy vrou is beide onder huisarres.
Die paartjie is op 11 April in hegtenis geneem ná 'n vier maande lange konflik en ‘n burgeroorlog van twee weke. Die burgeroorlog het ontstaan ná Gbagbo geweier het om sy amp prys te gee nadat hy die verkiesing teen Alassane Ouattara verloor het.
– Volg Nuus24 op Twitter.
- Sapa - AFP