Gay paartjie kry 14 jaar
2010-05-20 12:50
Blantyre – Die Malawiese gay paartjie wat hierdie week skuldig bevind is op aanklagte van onnatuurlike dade en onsedelikheid is Donderdag met die maksimum straf van 14 jaar se tronkstraf gevonnis.
Dié strawwe vonnis is glo verwag nadat ‘n regter Tiwonge Chimbalanga (20) en Steven Monjeza (26) skuldig bevind het.
“Ek gee julle ‘n strawwe vonnis sodat die publiek van mense soos julle beskerm kan word sodat ons nie in die versoeking kom om hierdie gruwelike voorbeeld na te streef nie,” het landdros Nyakwawa Usiwa aan die paartjie gesê.
“Malawi is nie gereed om te sien hoe haar seuns met mekaar trou nie.”
Malawi se regering het uitdagend opgetree nadat die paartjie se vervolging internasionale kritiek gekry het.
Homoseksualiteit in Afrika het in die afgelope paar maande ‘n omstrede
kwessie geword nadat ‘n wetgewer in Uganda ‘n wet voorgestel het wat die
doodstraf vir sekere homoseksuele dade vonnis.
Homoseksualiteit
kan in Malawi met ‘n maksimum van 14 jaar gevonnis word.
- Sapa
Volg Nuus24 op Twitter.