Gambië: Polisielede kry doodstraf oor marteling
2011-05-31 10:34
Banjul - ‘n Hof in Gambië het twee polisiebeamptes met die doodstraf gevonnis omdat hulle ‘n man tot die dood gemartel het, het ‘n hofbeampte gesê.
Bakary Demba en Modou Colley, die twee beskuldigdes, het onskuldig gepleit op die aanklagte van moord. Die slagoffer is glo op 27 Januarie in die Numuyel-omgewing deur hulle vermoor.
“As wetstoepassingsbeamptes is julle veronderstel om deur julle voorbeeld te lei en nie die wet in julle eie hande te neem nie,” het regter Emmanuel Nkea gesê.
“Die grondwet van die land moet deur almal respekteer word. Omdat ek oortuig is dat die saak teen die beskuldigde persone bewys is, huiwer ek nie om julle met die dood te vonnis nie,” het hy gesê.
Intussen is vyf ander polisiebeamptes, wat deel van die land se agentskap teen dwelmmiddels is, ook in die hof gedaag nadat hulle ‘n 29-jarige man tot die dood gemartel het tydens ‘n klopjag op sy huis.
- Volg Nuus24 op Twitter.
- Sapa - AFP