Gaddafi weet wat van hom verwag word – Clinton
2011-04-07 18:02
Washington – Amerika het Woensdag ‘n brief van Muammar Gaddafi aan Barack Obama afgekeur en klem gelê op die eise dat die Libiese leier moet instem op ‘n wapenstilstand en mag oorgee.
“Ek dink nie dit is ‘n geheim wat van Mnr Gaddafi verwag word op hierdie stadium nie,” het Hillary Clinton, die Amerikaanse staatssekretaris, gesê.
“Ek dink hy weet wat om te doen. Daar moet ‘n wapenstilstand wees en sy magte moet onttrek uit die stede wat hulle met geweld oorgeneem het. Baie lewens het weens die aanvalle in die slag gebly.”
“Hoe vinniger hy doen wat van hom verlang word, hoe vinniger sal die bloedgietery einde kry en almal beter oor die saak voel,” het Clinton gesê.
- Volg Nuus24 op Twitter.
- AFP