Gaddafi-vegters slaan terug
2011-10-13 23:12
Tripoli – Magte lojaal aan Muammar Gaddafi se regime het met mening
begin terugveg en die rewolusionêre vegters in Sirte genoodsaak om terug te val.
Die vegters van die nuwe regime was vol
selfvertroue dat hulle Gaddafi se tuisdorp binne ‘n paar dae ten volle sou kon
oorneem.
Hulle was in straatgevegte in twee noordwestelike woonbuurte van Sirte betrokke toe hulle na die polisiehoofkwartiere, wat
hulle verlede week oorgeneem het, moes terugval.
Kommandeurs van die magte lojaal aan die
Nasionale Oorgangsraad (NOR) sê Gaddafi se magte in Sirte is omsingel binne ‘n
area van sowat twee vierkante kilometer.
Daar is blykbaar nog sowat 500 vegters wat
Gaddafi se regime probeer beskerm in Sirte.
Volgens een van die rewolusionêre vegters is
15 van die vegters tydens vandag se skermutselings in hegtenis geneem.
Volg Nuus24 op Twitter.