Gaddafi-seun kan doodstraf kry
2011-11-23 07:02
Tripoli – Die internasionale strafhof se hoofaanklaer het Dinsdag ingestem dat die gevange seun van kol. Muammar Gaddafi in Libië eerder as in Den Haag verhoor mag word.
Dit beteken dat Saïf al-Islam die doodstraf opgelê kan word as hy skuldig bevind word.
Onderwyl die aanklaer, Luis Moreno-Ocampo, in Tripoli met amptenare vergader het, het die nasionale oorgangsraad hom voorberei om ’n nuwe regering aan te kondig.
Die hoop is dat ideologiese- en streeksverskille bygelê sal word en sal voorkom dat dit ’n stok in die wiel van die land se brose stabiliteit sal wees.
Libië sukkel om nuwe instellings te skep uit die wrakstukke van Gaddafi se heerskappy van 42 jaar.
Al-Islam is in ’n lokval in die Sahara aangekeer.
Die doodsvonnis is nog in Libië van krag. Die ergste straf wat die internasionale strafhof kan oplê, is lewenslange gevangenisstraf.
– Volg Nuus24 op Twitter
- Reuters