Gaddafi se seun op Interpol lys van gesoektes
2011-09-29 14:24
Parys – Interpol het Muammar Gaddafi se seun, al-Saadi, op sy lys vir mees gesoekte mense geplaas en bekendgemaak dat hy laas in Niger gesien is.
Dié internasionale organisasie het 'n sogenaamde rooi kennisgewing uitgereik vir al-Saadi Ghaddafi op versoek van die Nasionale Oorgangsraad, die tussentydse heersers van Libië.
Interpol het gesê hy soek na al-Saadi Gaddafi in verband met die onregmatige aankoop van eiendom en sy betrokkenheid by “gewapende intimidasie” terwyl hy die hoof van die Libiese sokkervereniging was.
Hy het ook militêre eenhede gelei wat betogers in Libië onderdruk het.
– Volg Nuus24 op Twitter.
- SAPA