Gaddafi-magte vang huursoldate
2011-09-19 16:55
Benghazi – Muammar Gaddafi se lojaliste het 17 huursoldate, sommige van Brittanje en Frankryk, gevang, het Moussa Ibrahim, Gaddafi se woordvoerder, Maandag gesê.
Die bewering kon egter nog nie bevestig word nie.
“’n Groep wat uit 17 huursoldate bestaan, is in Bani Walid gevang. Hulle is tegniese kenners en sluit raadgewende beamptes in,” het Ibrahim aan Arrai, ‘n Siriese TV-kanaal, gesê.
“Die meeste van hulle is Frans, een is van ‘n Asiatiese land wat nog nie identifiseer is nie, twee is Engels en een is van Qatari.”
Die Franse departement van buitelandse sake het gesê dat hulle geen inligting oor die verslag het nie.
Die Britse departement van buitelandse sake het gesê dat hulle bewus van die gerugte is, maar dat dit nog nie bewys kon word nie.
– Volg Nuus24 op Twitter.
- Reuters