Gaddafi-magte skiet beseerdes in hospitaal
2011-02-24 22:34
Tripoli – Gaddafi-ondersteuners het hospitale in Tripoli binnegeval om beseerde anti-regeringsgesinde betogers,wat daar was vir behandeling, dood te skiet.
Lede van die Libyan Revolutionary Committee, die ruggraat van Gaddafi se regime, het “by hospitale ingebars en die beseerde betogers doodgemaak,” het Silmane Bouchuiguir, hoof van die International Federation for Human Rights in Libië, aan ‘n Italiaanse nuusagentskap, MISNA, gesê.
“Hulle het die lyke weggedra, miskien om hulle te verbrand, want hulle weet die internasionale joernaliste is in die omtrek,” het hy gesê.
“Dokters wat hulle probeer keer het, is gedreig.”
Libië se tak van die International Federation for Human Rights is in Switserland geleë, aangesien Gadaffi geen menseregte-organisasies in Libië toelaat nie.
Volg Nuus24 op Twitter.
- SAPA