Gaddafi kan nie met troepe kommunikeer – Kanada
2011-05-26 10:48
Ottawa - Navo-lugaanvalle het Muammar Gaddafi, die Libiese leier, gedwing om weg te kruip en dit maak dit moeiliker vir hom om met sy troepe te kommunikeer, het ‘n Kanadese generaal Woensdag gesê.
“Ons besef nou dat Gaddafi gedwing word om weg te kruip, dus is dit moeilik vir hom om met die weermag te kommunikeer en te beveel dat burgers aangeval word,” het brigadier-generaal Richard Blanchette gesê.
Navo het in April begin om die lugaanvalle meer intens te maak met byna daaglikse bombardering in en rondom Tripoli.
Op 30 April is een van Gaddafi se seuns en drie van sy kleinkinders in so aanval dood, het die Libiese regering gesê. Navo het dit egter nog nie bevestig nie.
Blanchette het gesê dat Navo reeds 8 100 sendings oor Libië gehad het, insluitend 3 100 lugaanvalle, sedert die begin van die veldtog om Gaddafi te dwing om uit te tree na 42 jaar as leier van Libië.
- Volg Nuus24 op Twitter.
- Sapa - AFP