Gadaffi 'sal uittree' indien hy verkiesing verloor
2011-06-17 09:59
Libië - Die Libiese leier, Muammar Gadaffi, het gesê hy is bereid om na die stembus te gaan en om uit te tree indien hy verloor.
Waarnemers sê dié aankondiging kan die eenheid van die NAVO-lande toets wat probeer om Gaddafi uit die kussings te lig.
Gaddafi se seun, Saif al-Islam, het aan 'n Italiaanse koerant gesê die verkiesing kan binne drie maande gehou word.
Internasionale waarnemers sal ook toegelaat word om die verkiesing te monitor. Die voorstel volg te midde van toenemende frustrasie in sommige NAVO-lande oor die vordering wat gemaak word met die militêre veldtog.
Rebelle-leiers in Benghazi het die moontlikheid van 'n verkiesing as 'n mors van tyd afgemaak.
- RSG.
- Volg Nuus24 op Twitter.