Franse visserman in Madagaskar doodgeskiet
2010-08-06 03:48
Antananarivo – ‘n Franse visserman het die nuutste buitelandse burger geword wat in Madagaskar vermoor is, nadat hy die naweek op die Indiese Oseaan doodgeskiet is.
Joel Noel Sauvageot (54) is Sondag deur ‘n groep mans naby die dorp, Majunga aangeval toe hy na sy boot wou terugkeer.
Volgens Sauvageot se vrou was hy op pad na ‘n area wat net per boot bereik kan word toe hy deur die rowers oorval is.
‘n Ander Franse burger wat saam met hom op die boot was, het in die kajuit weggesteek.
Drie verdagtes, insluited ‘n 47-jarige polisiebeampte is in verband met die voorval in hegtenis geneem.
Die polisiebeampte het egter uit aanhouding ontsnap en is steeds op vrye voet.
- Vir die volledige storie besoek iol.
- Volg Nuus24 op Twitter.