Frankryk ontruim beseerdes
2009-09-18 10:59
Parys- Frankryk het 17 beseerde persone uit Somalië se hoofstad ontruim na ‘n aanval op die vredesmagte se basis.
Volgens Frankryk se minister van buitelandse sake is 17 persone met ‘n militêre vliegtuig na Nairobi geneem, waar hulle in ‘n plaaslike hospitaal behandeling ontvang.
In ‘n verklaring wat deur die minister uitgereik is word dit duidelik gemaak dat Frankryk die Afrika Unie se werk ondersteun asook die regering van Somalië. Die nasionaliteit van die beseerdes is egter nie bekendgemaak nie.
Die Islamitiese Shebab-rebele, wat beloof het om wraak te neem nadat hulle leier deur Amerikaanse-magte doodgemaak is, het erken dat hulle die aanvalle op die basis uitgevoer het.
–Sapa, AP