Frankryk beloof om Afrika te help
2010-06-02 05:24
Nice – Frankryk sal Afrika-lande help om seerowery, terrorisme en dwelmhandel te beveg, het die land se president Nicolas Sarkozy Dinsdag gesê, want Afrika “kan dit nie op sy eie hanteer nie.”
Sarkozy het die belofte gemaak by die laaste dag van die Afrika-Frankryk beraad in Nice.
“Ons sal saamwerk op al hierdie kwessies,” het Sarkozy aan die 38 Afrika-leiers by die afsluitingseremonie gesê.
Die president het herinner dat Frankryk €300 miljoen (R2,8 miljard) uitgesit het om 12 000 soldate van Afrika op te lei vir vredesbewaring op die kontinent.
“Daar is krisisse op die kontinent,” het Sarcozy gesê, en Afrika “kan dit nie op sy eie hanteer nie.”
“Terrorisme is besig om die Sahel distrik te vergiftig,” het hy gesê
Die president het bygevoeg dat Oos-Afrika lande nie die vlootmagte het om seerower-aanvalle op die Somaliese kus teen te staan nie en het gesê dat Frankryk kan help.
Sarkozy het verder belowe dat Frankryk hulp sal bied om Islamitiese ekstremiste in die Sahel distrik te beveg, sowel as dwelmhandel in Wes-Afrika.
- Sapa-AFP
Volg Nuus24 op Twitter