Frankryk bekommerd oor verkragter in Burundi

2011-07-27 16:24

Parys – Frankryk is “uiters bekommerd” oor die verhoorsomstandighede van ‘n Fransman wat 25 jaar tronkstraf vir verkragting in Burundi gekry het, het ‘n woordvoerder van die departement van buitelandse sake gesê.

Bernard Valero het gesê Frankryk is “bekommerd oor die omstandighede van die verhoor” van Parice Faye. Hy is Maandag gevonnis nadat hy skuldig bevind is van die verkragting van vyf meisies wat skoolgegaan het by ‘n skool wat hy vir arm kinders gestig het.

Hy het die aanklagte ontken.

Faye is ook ‘n boete van €14 000 (sowat R133 000) opgelê. Hy beplan om teen die vonnis te appelleer.

“Ons gaan waaksaam bly en ons landgenoot ondersteun in die volgende stap wat hy gaan neem,” het Valero gesê. Frankryk gaan pogings ondersteun om Faye van ‘n behoorlike advokaat te voorsien.

– Volg Nuus24 op Twitter.
 

- Sapa - AFP