Ethiopiese joernalis in tronk
2010-02-02 14:30
Addis Ababa – ‘n Joernalis van Ethiopië is vir ‘n jaar lank tronk toe gestuur nadat hy dié land se eerste minister gekritiseer het.
Volgens ‘n New Yorkse komitee wat die regte van joernaliste beskerm (CPJ) is Ezedin Mohamed Vrydag deur ‘n Ethiopiese regter gevonnis in verband met ‘n rubriek wat in Januarie 2008 geskryf is.
Dié rubriek kritiseer glo eerste minister Meles Zenawi se stellings oor godsdienstige sake in Ethiopië.
Volgens CPJ is Mohamed die redakteur van die “Moeslim-georiënteerde koerant”, Al-Quds.
Die Al-Quds-rubriek het Meles uitgedaag oor sy beskrywing van Ethiopië as ‘n “Ortodokse Christelike Ethiopië”, het CPJ gesê.
Mohamed het reeds sy vonnis begin uitdien in Kality-tronk buite die hoofstad van Addis Ababa.
“Die gevangenis van Ezedin Mohamed is nog ‘n voorbeeld van Ethiopië se onverdraagsaamheid van onafhanklike en kritiese stemme,” het CPJ se Afrika-programkoördineerder, Tom Rhodes gesê.
“Dis hoogtyd dat eerste minister Meles Zenawi sy toewyding aan demokratiese waardes bewys deur die gevangenskap van joernaliste stop te sit.”
Mohamed is die vyfde joernalis wat gevangenisstraf in Ethiopië ontvang.
Volgens CPJ is Ethiopië die land wat joernaliste die tweede meeste in die hele Afrika gevangenis neem.
- Sapa