Ergste droogte in Afrika tref 10 miljoen mense
2011-06-28 14:24
Genève – Miljoene bewoners van die Horing van Afrika is deur die ergste droogte in 60 jaar getref, het die Verenigde Nasies gesê.
In sekere omgewings het die omstandighede reeds tot hongersnood gelei.
“Meer as 10 miljoen mense word op een of ander manier deur die droogte beïnvloed,” het Elisabeth Byrs, die woordvoerder van die VN se kantoor vir die koördinering van humanitêre sake, gesê.
“Ons is van mening dat die droogte in sekere omgewings die ergste in 60 jaar is. In van die streke kan ons al van hongersnood praat,” het sy gesê.
Djiboeti, Ethiopië, Kenia, Somalië en Uganda is van die lande wat deur die droogte beïnvloed word.
- Volg Nuus24 op Twitter.
- Sapa - AFP