Egipte: Sokkerboewe bots met polisie
2011-09-07 15:04
Kaïro – Egiptiese sokkeraanhangers het Dinsdag met die polisie by ‘n stadion in Kaïro gebots nadat hulle motors aan die brand gesteek het en slagspreuke teen die ontsetelde pres. Hosni Mubarak geskree het.
Altesaam 80 mense is tydens dié voorval beseer.
Die moeilikheid het begin toe ondersteuners van die Al-Ahly-sokkerklub slagspreuke oor Mubarak en die voormalige minister van binnelandse sake begin skree het. Hulle het die polisie later met bottels bestook, het ooggetuies vertel.
Sowat 72 polisiebeamptes is beseer en verskeie voertuie, insluitend vier polisievoertuie, is aan die brand gesteek.
Sewe burgerlikes is beseer en die polisie het 12 betogers in hegtenis geneem.
– Volg Nuus24 op Twitter.
- Sapa - AFP